Qəbələdə ölümlə nəticələnən yol-nəqliyyat hadisəsi baş verib.

Operativ Media xəbər verir ki, hadisə martın 23-də axşam saat 20 radələrində qeydə alınıb.

Belə ki, Hamlet Yolçuyevin idarə etdiyi “KİA” markalı avtomobil yolu keçmək istəyən 71 yaşlı Samaya Hüseynovanı vurub.

Piyada aldığı ağır xəsarətlər nəticəsində hadisə yerində həyatını itirib.

Daxili İşlər Nazirliyi Mətbuat xidmətinin regional qrupundan bildirilib ki, faktla bağlı Qəbələ Rayon Polis Şöbəsində cinayət işi başlanılıb, istintaq aparılır.