Ukrayna MDB sazişindən çıxmaq barədə qərar qəbul edib

Ukrayna Ali Radasında MDB üzv dövlətləri arasında tikinti fəaliyyəti üçün verilən lisenziyaların qarşılıqlı tanınması haqqında sazişdə iştirakın dayandırılmasını nəzərdə tutan qanun layihəsi qeydiyyata alınıb.

Operativ Media xəbər verir ki, bu barədə Ukrayna hökumətinin Ali Radadakı nümayəndəsi Taras Melniçuk məlumat verib.

Onun sözlərinə görə, Ukrayna Nazirlər Kabineti sözügedən sazişdən çıxmaqla bağlı qanun layihəsini parlamentə təqdim edib.

Sənəd MDB üzv dövlətlərinin lisenziyalaşdırma orqanları tərəfindən tikinti fəaliyyəti üçün verilən lisenziyaların qarşılıqlı tanınması ilə bağlı sazişdə Ukraynanın iştirakının dayandırılmasını nəzərdə tutur.