Tasnim: İran və Oman Hörmüzdə gəmiçiliklə bağlı razılığa gəliblər

İran və Oman Hörmüz boğazında gəmiçilik marşrutu ilə bağlı yekun razılığa gəliblər. 

Operativ Media xəbər verir ki, bu barədə Tasnim xəbər agentliyi mənbəyə istinadən məlumat verib.

Məlumata görə, bu barədə Fars körfəzi ölkələrinin xarici işlər nazirlərinin iştirakı ilə tezliklə elan ediləcək.

Agentliyin mənbəyi qeyd edib ki, bu razılaşma yalnız İran və Oman arasında bağlanıb və digər ölkələr görüşdə yalnız marşrutun təfərrüatları və naviqasiya qaydaları ilə tanış olmaq üçün iştirak edəcəklər.

O əlavə edib ki, bu müqaviləyə əsasən, boğaz vasitəsilə Fars körfəzinə giriş tamamilə İranın ərazi suları daxilindədir, çıxış yolunun bir hissəsi isə İslam Respublikasının ərazi sularını əhatə edir.