"Kəpəz" milli fasilədə iki yoxlama oyunu keçirəcək

“Kəpəz” milli komandaların beynəlxalq oyunları ilə əlaqədar yaranacaq fasilə müddətində iki yoxlama görüşündə qüvvəsini sınayacaq.

Operativ Media xəbər verir ki, Gəncə təmsilçisi oktyabrın 2-də Azərbaycan U-19 yığması və “Gəncəbasar”la qarşılaşacaq.

İlk oyun saat 12:00-da Azərbaycan U-19 millisinə qarşı keçiriləcək. Günün ikinci matçı isə saat 17:00-da “Gəncəbasar”a qarşı baş tutacaq.

Komandanın məşqçi korpusu hər iki görüşdə bütün futbolçuların oyununu izləmək məqsədilə heyəti iki hissəyə böləcək.

Hər iki qarşılaşma Gəncə Şəhər Stadionunun ehtiyat meydançasında keçiriləcək.