Azərbaycanın daha 2 boksçusu Avropa çempionatında mərhələ adlayıb

Bolqarıstanın paytaxtı Sofiyada boksçular arasında Avropa çempionatı davam edir.

Operativ Media xəbər verir ki, Məhəmmədəli Aşırəliyev (60 kq) Edqaras Skurdelisi (Litva) 5:0 hesabı ilə məğlub edərək 1/8 finala yüksəlib. Boksçumuz sentyabrın 21-də Ayder Abduraimov (Ukrayna) ilə qarşılaşacaq.

Malik Həsənov (65 kq) isə Bilge Kağan Kanlını (Türkiyə) 5:0 hesabı ilə məğlub edərək 1/8 finala yüksəlib. Boksçumuz sentyabrın 20-də Rumen Rumenov (Bolqarıstan) ilə qarşılaşacaq.

Qeyd edək ki, yarışa sentyabrın 25-də yekun vurulacaq.