Portuqaliyanın Baş naziri Ronaldonun vəziyyəti ilə bağlı Jesus ilə danışmaq istəyir

Portuqaliyanın Baş naziri Luis Monteneqru Kriştiano Ronaldo ilə bağlı yaranmış vəziyyətə aydınlıq gətirmək üçün milli komandanın baş məşqçisi Jorje Jezuşla əlaqə saxlamaq niyyətindədir.

Operativ Media xəbər verir ki, bu barədə Portuqaliyanın “SIC Noticias” telekanalı məlumat yayıb.

41 yaşlı “Əl-Nəsr” futbolçusu dünya çempionatından sonra da Portuqaliya millisində çıxışını davam etdirmək qərarına gəlib və UEFA Millətlər Liqasının oyunlarına çağırılıb.

Lakin qrup mərhələsinin 2-ci turunda Norveçlə keçirilən görüşdə (2:1) Ronaldo meydana çıxmayıb. KİV-in məlumatına görə, onun həmin qarşılaşmada sonradan oyuna daxil olması gözlənilirdi.

Sentyabrın 30-da Ronaldonun Portuqaliya millisinin düşərgəsini tərk etdiyi məlum olub. Daha sonra KİV futbolçunun milli komandanın heyətində bir daha oynamayacağını bildirib.

Ronaldo Portuqaliya millisində 234 oyun keçirib və 146 qol vurub. O, yığma ilə 2016-cı ildə Avropa çempionu olub və iki dəfə Millətlər Liqasının qalibi adını qazanıb.