Yeni Zelandiya NATO-nun müdafiə bankına qoşulmaqdan imtina edib

Yeni Zelandiya Kanada rəhbərliyi altında NATO üzv ölkələrinin hərbiləşdirilməsini maliyyələşdirmək üçün yaradılan Müdafiə, Təhlükəsizlik və Dözümlülük Bankına qoşulmaq təklifini rədd edib.

Operativ Media xəbər verir ki, bu barədə "RNZ" radiosuna istinadən xəbər verir.

"Müdafiə sənayesi xüsusi müdafiə maliyyələşdirmə mexanizminin yaradılmasından daha çox bazar imkanlarını yaxşılaşdıran tədbirlərdən faydalanacaq", - deyə ölkənin Xarici İşlər Nazirliyinin açıqlamasında bildirilir.

Nazirlik Yeni Zelandiyanın banka ilkin töhfəsinin təxminən 56 milyon dollar olacağını, sonrakı xərclərin isə potensial olaraq daha yüksək olacağını təxmin edir.

Albaniya, Belçika, Yunanıstan, Kanada, Latviya, Lüksemburq, Rumıniya, Türkiyə və Ukrayna bankın yaradılmasında iştirak etməyə hazır olduqlarını açıqlayıblar. Maliyyə konsorsiumunun baş ofisi Monrealda yerləşəcək və məqsədi hərbi layihələrin maliyyələşdirilməsi üçün 134 milyard dollara qədər vəsait cəlb etməkdir.