Türkiyədən Azərbaycana səfər edənlərin sayı açıqlanıb

Bu ilin yanvar-avqust aylarında Türkiyədən Azərbaycana 308,4 mindən çox vətəndaş səfər edib ki, bu da 2025-ci ilin müvafiq dövrü ilə müqayisədə 6,4 faiz çoxdur.

Operativ Media Dövlət Turizm Agentliyinə istinadən xəbər verir ki, təkcə cari ilin avqust ayında bu ölkədən gələnlərin sayı 39,5 min nəfərdən çox təşkil edib. Bu, 2025-ci ilin avqust ayına nisbətdə 4,7 faiz, cari ilin iyul ayına nisbətdə isə 1 faiz çoxdur.