Azərbaycan və Gürcüstan arasında ticarət dövriyyəsi 42 faiz artıb

Azərbaycan və Gürcüstan arasında ticarət dövriyyəsi cari ilin ilk 9 ayında 42 faiz artaraq 1 milyard dollara yaxınlaşıb.

Operativ Media xəbər verir ki, bunu Azərbaycanın Baş naziri Əli Əsədov Gürcüstanın Kaxetiya bölgəsinin Siqnaxi şəhərində Azərbaycan və Gürcüstan İqtisadi Əməkdaşlıq üzrə Hökumətlərarası Komissiyanın 11-ci iclasında çıxışı zamanı bildirib.

Onun sözlərinə görə, Azərbaycan statistikasına əsasən, ticarət dövriyyəsi 888 milyon dollar, Gürcüstan statistikasına görə isə 1,1 milyard dollar təşkil edib.

Baş nazir qeyd edib ki, Gürcüstan Azərbaycanın əsas ticarət tərəfdaşlarından biridir.