Ermənistan Qarabağın statusu ilə bağlı danışıqlar aparmaq iddiasında deyil. 

"Operativ Media" xəbər verir ki, bunu iyunun 5-də Milli Assambleyada parlamentin daimi komissiyalarının birgə iclasında 2022-ci il dövlət büdcəsinin icrasına dair hesabatın müzakirəsi zamanı respublikanın xarici işlər naziri Ararat Mirzoyan deyib.

Nazirin sözlərinə görə, Ermənistanın bunun üçün heç bir mandatı yoxdur. “Bəli, biz erməni xalqından onun gələcəyi ilə bağlı danışıqlar aparmaq üçün mandat almamışıq. Və statusun müəyyən edilməsi məsələsində biz heç nə iddia etmirik və buna cəhd də etmirik”, - Mirzoyan bildirib.

Nazirin sözlərinə görə, Ermənistan yalnız bu dialoqun başlanması üçün mexanizmin, eləcə də platformanın yaradılmasını təmin etməlidir.