"Milan" klubu bosniyalı futbolçusu Rade Kruniç ilə müqavilə yeniləmək qərarına gəlib.

"Operativ Media" xəbər verir ki, bu haqda İtaliyanın "La Gazette Dello Sport" nəşri məlumat yayıb. Xəbərdə İtaliya klubunun futbolçunun çıxışından məmnun olduğu üçün müqaviləni uzatmaq istədiyi deyilir.

29 yaşlı yarımmüdafiəçi ilə Türkiyənin "Fənərbağça" klubu da maraqlanır. Futbolçunun hansı qərar verəcəyi tezliklə bilinəcək.

Qeyd edək ki, Kruniç 2019-cu ildən "Milan"ın şərəfini qoruyur.