Fotoqraf Əl Rza müxtəlif illərdə çəkdiyi fotoları öz sosial şəbəkə hesabında bölüşüb. O, həmin fotoları belə şərh edib:
"Demək olar düz 3 ilə yaxındır ki, maraqlı bir kadr yoxdursa, insanları çəkmirəm. Bəzən kompozisiya əla olsa belə, orada insan faktoru ilə rastlaşırdımsa, çəkilişi etmirdim. Detallara olan hədsiz marağım məni bir çox yöndən inkişaf etdirsə də, digər tərəfdən küçə fotoqrafiyasından, insanlardan qismən soyutdu. “Classic Color” seriyasının bitdiyi bu dönəmdə, hələ də foto çəkən zaman, beynimdə ondan izlərin qalması məni narahat edir. Çünki fotoqraf olaraq heç vaxt bir üslubda foto çəkməyi sevməmişəm. Gözəl kadr varsa, çəkilməlidir. İstər insan olsun, istər təbiət, istərsə də detal! Bu səbəbdən yenidən insanlara, geniş plana, küçələrə yönəlməyə başlayacam. Daha maraqlı təcrübələr, fotolar qarşıdadır. İllərdir görmədiyin köhnə dostla görüş tərzində, həzz verən bir proses olacaq".
Müəllifin fotolarını təqdim edirik.