Lavrov G20 sammitini bütün ölkələr üçün uğurlu adlandırıb

"İyirmilik Qrupu (G20) sammiti bütün G20 ölkələri üçün uğurlu oldu".

"Operativ Media" xəbər verir ki, bunu Rusiyanın xarici işlər naziri Sergey Lavrov G20 sammitindən sonra keçirilən mətbuat konfransında deyib.

"Zirvə görüşü, ilk növbədə Hindistanın, həm də bizim hamımızın qeyd-şərtsiz uğurumuzdur. G20, deyərdim ki, daxili islahat yaşayır", - nazir qeyd edib.

Lavrovun bildirib ki, Cənub ölkələri qlobal idarəçilik mexanizmlərində öz rollarını gücləndirməyə çalışırlar.  Onların real çəkisi dünya siyasətində, o cümlədən iqtisadi sahədə özünü göstərir. 

Lavrov BRİCS-in ÜDM-in həcminə görə artıq G7 ölkələrini ötməsinə də diqqət çəkib.