İranın Parisdəki səfirliyinə hücum olub. 

"Operativ Media" xəbər verir ki, bu barədə İranın "Mehr" agentliyi məlumat yayıb.

Hücum edənlər binanın konsulluq bölməsinin qarşısında təkərləri yandıraraq, qapıya ziyan vurublar.

"Yanğın polis və yanğınsöndürmə briqadası gəldikdən bir neçə dəqiqə sonra söndürülüb", - səfirliyin nümayəndəsi bildirib.

"Fransa Xarici İşlər Nazirliyinin nümayəndələri, eləcə də polis insidentlə bağlı araşdırmanın başlanması və bu cinayət əməlinin arxasında duran şəxslərin müəyyən edilməsi üçün lazımi addımlar atıb", - məlumatda qeyd edilib.