Paşinyanın tərəfdarı jurnalistə hücum edib

"Jurnalist Hripsime Cebejyan hücuma məruz qalıb".

"Operativ Media" xəbər verir ki, bu barədə deputat Kristin Vardanyan Facebook səhifəsində yazıb. 

Deputat qeyd edib: 

"Hücum edən həmin şəxsdir ki, Nikol Paşinyanın son mətbuat konfransından sonra jurnalistin şəklini sosial şəbəkədəki səhifəsində yerləşdirib və onunla görüşəcəyi təqdirdə xəsarət yetirəcəyi ilə hədələyib.

Hripsime Cebejyan bununla bağlı hüquq-mühafizə orqanlarına müraciət edib. Hüquq-mühafizə orqanları, təbii ki, bu müddət ərzində iddia edilən cinayətin qarşısını almaq üçün heç bir addım atmayıb.

Və burada, bu gün Tiqran Avinyanın kampaniyası zamanı jurnalistləri hədələyən şəxs öz hədələrini reallaşdırmağa çalışıb.

Mən jurnalistlərə tam dəstəyimi verirəm.

İstənilən məsələdə kömək etməyə hazıram”, - deyə o yazıb.