"Xəstəlik epidemiyası Liviyada ikinci dağıdıcı böhrana səbəb ola bilər".

"Operativ Media" xəbər verir ki, bu barədə Birləşmiş Millətlər Təşkilatı xəbərdarlıq edib. 

Qeyd edək ki, sentyabrın 10-da müharibənin davam etdiyi Şimali Afrika ölkəsini vuran Daniel qasırğasından sonra daşqınlar baş verib. Daşqınlar 3300-ə yaxın insanın ölümünə və minlərlə insanın itkin düşməsinə səbəb olub.

BMT xəbərdarlıq edib ki, vəba, ishal, susuzlaşdırma və qida çatışmazlığı riskinin artması fonunda on minlərlə sakin evsiz qalıb və təmiz suya, qidaya və əsas tələbat mallarına ciddi ehtiyac yaranıb.