Rusiya prezidenti Vladimir Putin rəqəmsal şəxsiyyət vəsiqəsindən istifadə hallarını və prosedurlarını müəyyən edən "rəqəmsal pasport" haqqında fərman imzalayıb. 

"Operativ Media" xəbər verir ki, müvafiq sənəd rəsmi hüquqi informasiya portalında dərc olunub.

Qeyd edək ki, Putin bu ideyanı fevral ayında hökumət üzvləri ilə görüşdə dəstəkləmişdi. Daha sonra Rəqəmsal İnkişaf Nazirliyinin rəhbəri Maksut Şadayev gündəlik həyatda orijinal pasport əvəzinə smartfondan istifadə etməyə imkan verəcək texnologiyadan danışıb. Eyni zamanda, fərman layihəsinin hazırlanmasına başlanılıb.