Rusiya tərəfi Ukraynada hərbi sənaye obyektlərini vurduğunu açıqlayıb

Rusiya Müdafiə Nazirliyi Ukraynadakı hərbi sənaye obyektlərini və diversiya qruplarının təlim mərkəzlərini uzaqmənzilli raketlərlə vurduqlarını bildirib.

"Operativ Media" xəbər verir ki, nazirlik Rusiya ordusunun Ukraynadakı hədəflərə qarşı həyata keçirdiyi hücumlarla bağlı açıqlama verib.

"Rusiya Silahlı Qüvvələri bu gecə Ukrayna ordusunun təxribat qruplarının hərbi sənaye obyektlərinə, elektron kəşfiyyat və təlim mərkəzlərinə havadan atılan uzaqmənzilli yüksək dəqiqlikli raketlər və pilotsuz uçuş aparatları ilə qrup hücumu həyata keçirib", - açıqlamada qeyd edilib. 

Açıqlamaya görə, hücumlar məqsədinə çatıb və təyin olunmuş hədəflər məhv edilib.