Fransada irqçiliyə və polis zorakılığına qarşı yürüş olub

Fransanın müxtəlif şəhərlərində irqçilik və polis zorakılığına qarşı nümayişlər keçirilib.

"Operativ Media" xəbər verir ki, həmkarlar ittifaqları və siyasi partiyalar da daxil olmaqla 100-dən çox qurumun çağırışı ilə ölkənin müxtəlif şəhərlərində nümayişlər təşkil edilib.

Nümayişlər zamanı fəallar ölkədə irqçilik və polis zorakılığına etiraz ediblər.

Parisdəki Gare du Nord meydanında başlayan nümayiş Klişi meydanında başa çatıb. Minlərlə insanın yürüş etdiyi nümayişə "sarı jiletli" tərəfdarlar, “Yalmaz Fransa” (LFI) partiyasının deputatı Rachel Keke və 2016-cı ildə jandarma maşınənda həlak olan Adama Traorenin bacısı Assa Traore də qatılıb.

Nümayişçilər polis zorakılığına və irqçiliyə son qoymağa çağırıb, həmçinin ictimai azadlıqların qorunmasını tələb ediblər.

Etirazçılar faşizm və polis əleyhinə şüarlar səsləndiriblər.

Nümayişçilər əllərində "Qaçqınlar, müsəlmanlar, qaraçılar və yaşayış icazəsi olmayanlar artıqlıq deyil. Artıq olan irqçilikdir", "İrqçiliyə və polis zorakılığına son qoyun" yazılı plakatlar və Fransada polisin iştirakı ilə baş verən hadisələrdə həyatını itirən vətəndaşların şəkillərini qaldırıblar.