NATO Kosovodakı əməliyyatda iştirak edə bilər 

"Kosovo Polisinin əməliyyat bölgəsində NATO-nun Kosovo Qüvvələri (KFOR) mövcuddur və lazım gələrsə əməliyyata qoşulmağa hazırdır". 

"Operativ Media" xəbər verir ki, bu barədə KFOR-un bəyanatında deyilir.

"NATO-nun rəhbərlik etdiyi KFOR missiyası Kosovo polisinə hücumu qətiyyətlə pisləyir və mərhumun ailəsinə və yaxınlarına dərin hüznlə başsağlığı verir. KFOR bu ölkədə fəaliyyətini davam etdirir. Banskadakı vəziyyəti yaxından izləyirik, KFOR bölmələri bu ərazidə də mövcuddur və lazım gələrsə, cavab verməyə hazırdır", - bəyanatda qeyd edilib.

Bundan əvvəl Kosovonun baş naziri Albin Kurti maskalı silahlı şəxslərin fotoşəkillərini dərc edərək, onların Serbiya hakimiyyətinin dəstəyi ilə Kosovo polisinə hücum etdiklərini bildirmişdi. Kurti bildirib ki, Kosovo polisi hüquq-mühafizə orqanlarının əməkdaşlarına hücum edən bir qrup silahlı şəxsi saxlamaq üçün əməliyyat keçirir. O qeyd edib ki, bazar günü hücum nəticəsində bir polis ölüb, biri yaralanıb.

Qeyd edək ki, bir qrup maskalı silahlı şəxs zirehli avtomobillə Kosovonun şimalında yerləşən Banjska pravoslav monastırının ərazisinə və Metoxiyaya daxil olub.