İranda yüzlərlə insan qum fırtınası səbəbindən xəstəxanaya müraciət edib

İranın cənub-şərqində yerləşən Sistan-Bəlucistan əyalətində son 5 gündə 2107 nəfər qum və toz fırtınasının yaratdığı müxtəlif şikayətlərlə xəstəxanalara müraciət edib.

"Operativ Media" xəbər verir ki, bu barədə İranın rəsmi xəbər agentliyi İRNA-ya danışan Sistan-Bəlucistan bölgəsinin fövqəladə hallar rəhbəri Məcid Muhibbi deyib.

"Son 5 gündə Zabul, Zehek, Hamun, Hirmend və Nimruz şəhərlərində baş verən qum və toz fırtınaları səbəbindən xəstəxanalara edən 2 min 107 nəfər müraciət edib. Sistan-Bəlucistanın şimalında 136 nəfər müalicə altındadır", - o bildirib.

Sistan-Bəlucistan Meteorologiya İdarəsinin Baş direktoru Muhsin Haydari 20 sentyabr tarixində havada tozun miqdarının artması səbəbindən Zabulda 800 metrə, Zehekdə isə 500 metrə qədər görmə qabiliyyətinin azaldığını bildirib.