ABŞ İsrail vətəndaşları üçün vizasız rejim tətbiq edə bilər

ABŞ rəhbərliyinin İsrail vətəndaşlarının ölkəyə vizasız gediş-gəlişinə icazə verməyə hazırlaşdığı iddia edilir.

"Operativ Media" "TRT Haber"ə istinadən xəbər verir ki, adının açıqlanmasını istəməyən 5 ABŞ rəsmisi İsrail vətəndaşları üçün viza müraciətində edilən dəyişikliklə bağlı Associated Press agentliyinə açıqlama verib.

Rəsmilər bildiriblər ki, İsrailin ABŞ Daxili Təhlükəsizlik Departamenti tərəfindən həyata keçirilən və 40 ölkə vətəndaşının 3 ay müddətində vizasız ölkəyə səyahət etməsinə icazə verən Viza İmtina Proqramında iştirak etmək üçün son tarix 30 sentyabrdır.

Səlahiyyətlilər, bu tarixin ABŞ-da federal büdcə ilinin son gününə təsadüf etdiyini və viza azadlığının gələn il qüvvədə olması üçün müraciətin bu tarixdən əvvəl edilməsi lazım olduğunu və bu çərçivədə ABŞ prezidenti Co. Bayden administrasiyası İsrail vətəndaşlarına vizasız səyahət imkanı verəcək.

Rəsmilər bildiriblər ki, daxili təhlükəsizlik katibi Alejandro Mayorkas bu barədə sentyabrın 28-də rəsmi açıqlama verəcək.

Bildirilir ki, İsrail rəsmi olaraq Viza İmtina Proqramına daxil olarsa, İsrail vətəndaşları sadəcə olaraq Səyahət İcazəsi Elektron Sistemində qeydiyyatdan keçməklə ABŞ-a iş və ya tətil məqsədilə 90 günə qədər vizasız səfər edə bilərlər.