http://operativmedia.az/frontend/img/svg/proqnozu.svg
Bakı 18 ° C

Mingəçevirdə "Audiovizual mediada ictimai maraqların qorunması" mövzusunda dəyirmi masa təşkil olunub

01 Dekabr 2023 , 19:33
Mingəçevirdə "Audiovizual mediada ictimai maraqların qorunması" mövzusunda dəyirmi masa təşkil olunub

Azərbaycan Respublikası Audiovizual Şurasının təşkilatçılığı ilə Mingəçevir şəhərində "Audiovizual mediada ictimai maraqların qorunması" mövzusunda dəyirmi masa keçirilib.

"Operativ Media" xəbər verir ki, görüşdə Audiovizual Şuranın, Mingəçevir Şəhər İcra Hakimiyyətinin, Medianın İnkişafı Agentliyinin nümayəndələri, bir sıra qeyri-hökumət təşkilatlarının təmsilçiləri, həmçinin regional audiovizual media subyektlərinin məsul şəxsləri iştirak ediblər. Görüşün təşkil olunmasında məqsəd audiovizual yayımda qanunvericiliyin tələblərinə riayət olunması, bu sahədə mövcud olan nöqsanların aradan qaldırılması istiqamətində regional yayımçıları maarifləndirmək, bununla da audiovizual mediada ictimai maraqların qorunması işinə töhfə verməkdir.

Dəyirmi masa iştirakçılarını salamlayan Audiovizual Şura sədrinin köməkçisi Haşim Əliməmmədzadə regional medianın inkişafının vacibliyindən, regional yayımçıların öz fəaliyyətlərində ictimai maraqların qorunması məsələsini diqqətdə saxlamasının əhəmiyyətindən, bu məqsədlə Audiovizual Şuranın həyata keçirdiyi fəaliyyətdən danışıb.

Görüşdə Mingəçevir Şəhər İcra Hakimiyyətinin baş məsləhətçisi Azər Hüseynov hər bir sahədə olduğu kimi, audiovizual media sahəsində də maarifləndirmə işlərinin əhəmiyyətindən danışıb, Mingəçevirdə belə tədbirin keçirilməsinə görə Audiovizual Şuraya təşəkkür edib.

Daha sonra Audiovizual Şuranın hüquq xidmətinin əməkdaşları Ayxan Sadıqlı və Kamran Əliyev "Audiovizual mediada ictimai maraqların qorunması" mövzusunda maarifləndirici təqdimatla çıxış ediblər.

Medianın İnkişafı Agentliyinin nümayəndəsi Səbinə Seyidova audiovizual mediada ictimai maraqların qorunması sahəsində əsas diqqətin dezinformasiya ilə mübarizəyə yönəldilməsinin vacibliyini vurğulayıb, media subyektlərinin sağlam mühitdə fəaliyyətinin təmin olunmasının zəruriliyini qeyd edib.

QHT nümayəndələri mediada ictimai maraqlar, uşaq hüquqlarının müdafiəsi və digər sosial-ictimai əhəmiyyət kəsb edən mövzulara toxunublar.

Görüşdə iştirak edən regional televiziya və radio yayımçılarının nümayəndələri bu sahədə qarşılaşdıqları çətinliklərdən danışıb, media savadlılığının və bu istiqamətdə keçirilən tədbirlərin əhəmiyyətini vurğulayıblar. Qarşılıqlı fikir mübadiləsi və müzakirə formatında keçən görüşün sonunda Audiovizual Şuranın nümayəndələri yayım zamanı ictimai maraqların qorunması və qanunvericiliyə əməl olunması istiqamətində yayımçıları maraqlandıran sualları cavablandırıblar.

OXŞAR XƏBƏRLƏR
Bərdədə ağır yol qəzası baş verib, 2 nəfər ölüb

Bərdədə ağır yol qəzası baş verib, 2 nəfər ölüb

“Azərbaycan Prokuroru” jurnalına məqalə qəbul olunur

“Azərbaycan Prokuroru” jurnalına məqalə qəbul olunur

Narkotiklərin satışı ilə məşğul olan 12 nəfər saxlanılıb

Narkotiklərin satışı ilə məşğul olan 12 nəfər saxlanılıb

XƏBƏR LENTİ
  • 23:08

    Dövlət Departamenti: Dnestryanıdakı vəziyyəti izləyirik
  • 22:54

    Şolts: NATO Ukraynadakı münaqişənin tərəfi deyil və olmayacaq
  • 22:40

    KİV: HƏMAS və İsrail Qəzzaya humanitar yardım barədə razılığa gəliblər
  • 22:26

    Qarabağ Universitetində ilk vakansiya elan edilib
    Qarabağ Universitetində ilk vakansiya elan edilib
  • 22:19

    Belçika Ukraynaya 200 milyon avro dəyərində hərbi yardım edəcək
  • 22:04

    Berbok: Azərbaycan və Ermənistan arasında sülhün bərqərar olması mümkündür
    Berbok: Azərbaycan və Ermənistan arasında sülhün bərqərar olması mümkündür
  • 21:55

    İsrailin Eurovision-a təqdim etdiyi ikinci mahnı da rədd edilib
  • 21:40

    KİV: Çadda bir qrup əsgər çevriliş üçün prezident sarayına doğru irəliləyir
    KİV: Çadda bir qrup əsgər çevriliş üçün prezident sarayına doğru irəliləyir
Menyu