http://operativmedia.az/frontend/img/svg/proqnozu.svg
Bakı 18 ° C

İcma BMT-nin mədəni hüquqlar üzrə xüsusi məruzəçisinə cavab verib

03 Dekabr 2023 , 11:55
İcma BMT-nin mədəni hüquqlar üzrə xüsusi məruzəçisinə cavab verib

BMT-nin mədəni hüquqlar üzrə xüsusi məruzəçisi Aleksandra Xantaki guya “Qarabağda erməni mədəni irsinin dağıdılması” barədə cəfəng iddialarla çıxış etmişdir.

“Operativ Media” xəbər verir ki, bu, Qərbi Azərbaycan İcmasının bəyanatında yer alıb.

“İlk öncə vurğulamaq istərdik ki, xüsusi məruzəçinin məktubunun başdan-başa anti-Azərbaycan xarakter daşıyan məzmunu, tonu və erməni diplomatlarının dərhal onu sevinclə paylaşması məktubun Ermənistan Xarici İşlər Nazirliyində yazıldığını deməyə əsas verir.

Xüsusi məruzəçinin Azərbaycanın suverenliyini təhdid edən iddialarını kəskin şəkildə pisləyir və qətiyyətlə rədd edirik.

Xüsusi məruzəçinin “Dağlıq Qarabağ”, “Mardakert”, “Karmir Şuka”, “Xramort” kimi qondarma toponimlərdən istifadə etməsi də yolverilməzdir. BMT-nin xüsusi məruzəçisi qoy gedib elə BMT-nin özünün məhz ölkələrin təqdim etdiyi toponimlərdən istifadə edilməsinin vacibliyinə dair sənədləri ilə tanış olsun.

“Ermənilərin Laçından deportasiyası”ndan danışan BMT-nin xüsusi məruzəçisinin beynəlxalq hüquqa qarşı hörmətsizliyi və ştatlı azərbaycanofoba çevrilməsi, zavallı duruma düşməsi acınacaqlıdır. Bu məktub BMT-nin özünü gözdən salır. Təəssüflə bildiririk ki, Azərbaycan xalqının həm Ermənistanda, həm də vaxtilə işğal edilmiş ərazilərdə tarixi və mədəni irsinin dağıdılmasına BMT, UNESCO tərəfindən reaksiya verilməmiş, susqunluq nümayiş etdirilmişdir.

Sən demə, xüsusi məruzəçi həm də Qafqaz Albaniyası ilə bağlı mütəxəssis imiş və udi icmasının Qarabağda dini ocaqları ziyarət etməsi onun yaman xətrinə dəyib.

Xüsusi məruzəçi İrəvanda Göy Məscidin “Azərbaycan irsi”olmadığını bildirir. Ümumiyyətlə, A.Xantakinin bu cəfəng iddialarla məqsədinin nə olduğu bilinmir. Əgər A.Xantakinin məqsədi “erməni irsi”dirsə, onda onun Göy Məscidlə nə işi var!”, - İcmadan bildirilib.

Xüsusi məruzəçi həm də qəsdən Qərbi Azərbaycan İcmasının fəaliyyətini təhrif edib: “Xüsusi məruzəçi öz kobud səhvini düzəltməli və Azərbaycan xalqının mədəni irsinin Ermənistan tərəfindən məhv edilməsinə münasibət bildirməli və bununla bağlı Ermənistan hökuməti ilə təmasa keçməlidir. Əks təqdirdə onun etnik və dini simpatiya əsasında fəaliyyət göstərməsi və azərbaycanofob olması tam sübut olunacaq.

Ümumiyyətlə, belə təəssürat yaranır ki, A.Xantakinin belə qərəzli olmasının səbəblərindən biri də onun Yunanıstandan olmasıdır. Xüsusi məruzəçini mandatına uyğun olaraq müstəqil və qərəzsiz şəkildə fəaliyyət göstərməyi, Azərbaycana qarşı düşük iddialara son qoymasını tələb edirik”, - İcmadan əlavə olunub.

OXŞAR XƏBƏRLƏR
Xocalı soyqırımının 32-ci ildönümü Ankarada silsilə tədbirlərlə anılıb

Xocalı soyqırımının 32-ci ildönümü Ankarada silsilə tədbirlərlə anılıb

Ərdoğan Xocalı soyqırımının ildönümü ilə əlaqədar Azərbaycan Prezidentinə və xalqına başsağlığı verib

Ərdoğan Xocalı soyqırımının ildönümü ilə əlaqədar Azərbaycan Prezidentinə və xalqına başsağlığı verib

İlham Əliyev Rəcəb Tayyib Ərdoğana zəng edib

İlham Əliyev Rəcəb Tayyib Ərdoğana zəng edib

XƏBƏR LENTİ
  • 21:04

    Xocalı soyqırımı ilə əlaqədar Azərbaycan Ordusunda silsilə tədbirlər keçirilib
  • 20:50

    Xocalı soyqırımının 32-ci ildönümü Ankarada silsilə tədbirlərlə anılıb
  • 20:36

    Macarıstan parlamenti İsveçin NATO-ya daxil olmasını təsdiqləyib
  • 20:22

    Tərtərdə 43 yaşlı kişi qətlə yetirilib
    Tərtərdə 43 yaşlı kişi qətlə yetirilib
  • 20:09

    Ərdoğan Xocalı soyqırımının ildönümü ilə əlaqədar Azərbaycan Prezidentinə və xalqına başsağlığı verib
    Ərdoğan Xocalı soyqırımının ildönümü ilə əlaqədar Azərbaycan Prezidentinə və xalqına başsağlığı verib
  • 20:03

    "Şahdəniz" yatağının şərq-şimal cinahından hasilata başlanılıb
  • 20:02

    İlham Əliyev Rəcəb Tayyib Ərdoğana zəng edib
    İlham Əliyev Rəcəb Tayyib Ərdoğana zəng edib
  • 19:49

    Bu ərazilərdə qaz kəsiləcək
Menyu