Ürək xəstəliklərinin ilkin əlamətləri nədir?

“Ürək problemləri təkcə döş qəfəsindəki kəskin ağrı, qan təzyiqinin dalğalanması və şiddətli zəiflik ilə özünü büruzə vermir”.

“Operativ Media” məlumat verir ki, bu barədə ürək cərrahı Yuri Buziaşvili "aif.ru”ya müsahibəsində danışıb.

Mütəxəssisin sözlərinə görə, xəstələr ilkin mərhələdə təngnəfəslikdən narahat olurlar:

“Bu əlamət ürəyə kifayət qədər qan gəlmədiyini göstərir. Nəfəs darlığı, təngnəfəslik təkcə ürək-damar sistemi üçün deyil, bir sıra digər xəstəliklər üçün də xarakterikdir. Məsələn, ağciyər xəstəliklərində və artıq çəkidə tənəffüsün ritmində, tezliyində və ya dərinliyində pozğunluqlar baş verir. Ancaq hər halda, nəfəs darlığının görünüşü həyəcan verici bir əlamətdir”.

Həkim qeyd edib ki, tibbin hazırki inkişaf dövründə vaxtında həkimə müraciət edən bir insanın infarktdan ölməsi mümkün deyil.