İndoneziya parlamenti cinayət məcəlləsinə digər köklü dəyişikliklər etməklə nikahdan kənar və nikahdan əvvəl cinsi əlaqə, həmçinin nikahsız cütlüklərin birgə yaşamasını qadağan edən qanunu təsdiqləyib.

"Operativ Media" xəbər verir ki, qanun layihəsi qəbul edildikdən sonra paytaxt Cakarta və bir sıra şəhərlərdə yüzlərlə insan küçələrə axışaraq etiraz aksiyaları keçirirlər.

Həmçinin hüquq müdafiəçiləri qəbul edilən qanuna etiraz edərək, dünyanın ən çox əhalisi olan müsəlman ölkəsində vətəndaş azadlıqlarına basqıları və fundamentalizmə doğru keçidi pisləyiblər.