Şimali İraqdan qaçan terrorçu təslim olub

İraqın şimalındakı sığınacaqdan qaçan PKK terrorçusu Haburdakı sərhəd zastavasına təslim olub.

"Operativ Media" xəbər verir ki, bu barədə Türkiyə Milli Müdafiə Nazirliyi məlumat yayıb.

"Türk Silahlı Qüvvələrimizin terror təşkilatı PKK-ya qarşı əməliyyatları artan intensivlik və templə davam etdikcə təşkilatın parçalanması da sürətlənir. İraqın şimalındakı sığınacaq düşərgəsindən qaçan 1 PKK terrorçusu Haburdakı sərhəd məntəqəmizə təslim olub", - məlumatda qeyd edilib.