Menyu
Saxlanılan xəbərlər Xəbər göndər
Dil: AZ EN
Haqqımızda Əlaqə Reklam

Gənc anaların işə qayıtması: işəgötürənlər hansı imkanları yaratmalıdır?

Ayşən Sadıxzadə
Gənc anaların işə qayıtması: işəgötürənlər hansı imkanları yaratmalıdır?
1 dəq oxu
Gənc anaların analıq məzuniyyəti götürmək hüquqları var. Bu hüquq həm dövlət, həm də özəl sektorda çalışan qadınlara şamil olunur. Analıq məzuniyyəti başa çatdıqdan sonra isə onlar öz iş yerlərinə qayıdırlar

Bu sözləri Operativ Media-ya Milli Məclisin Əmək və sosial siyasət komitəsinin üzvü, deputat Vüqar Bayramov deyib.

O bildirib ki, ümumiyyətlə, qadınların məşğulluqda iştirakının dəstəklənməsi çox vacibdir. Xüsusilə özəl sektorda qadınlarla kişilər arasında əməkhaqqı fərqinin aradan qaldırılması və azaldılması Nazirliyin əsas hədəflərindəndir. Bu, eyni zamanda, BMT-nin və bir sıra beynəlxalq qurumların da tövsiyələri sırasındadır:

“Hazırda Azərbaycanda qadınlarla kişilərin əməkhaqqı arasındakı fərqin təxminən 30 faizə yaxın olduğunu nəzərə alsaq, bu məsələnin aktuallığı daha aydın görünür. Fərqin əsas səbəblərindən biri nisbətən ağır işlərdə daha çox kişilərin çalışması ilə bağlıdır. Bununla yanaşı, bu fərq qadınların pensiya məbləğlərinə də təsir göstərir. Bu baxımdan, əməkhaqqı fərqinin azaldılması vacibdir.

Fərqin azaldılması yollarından biri qadınların daha çox işlə təmin olunması, xüsusilə də yüksək əməkhaqqı təklif edən işlərdə çalışmalarının dəstəklənməsidir. O cümlədən gənc qadınların məşğulluğunun təşviq edilməsi çox önəmlidir. Bunun üçün stimullaşdırıcı tədbirlər həyata keçirilə bilər.

Belə tədbirlər sırasında müəyyən güzəştlərin tətbiqi, xüsusilə özəl sektorda qadınların işlə təminatının dəstəklənməsi də yer alır. Bəzi ölkələrdə bu məqsədlə subsidiya və vergi güzəştləri mexanizmlərindən istifadə olunur. Oxşar mexanizmlərin Azərbaycanda tətbiqi də məqsədəuyğun olardı”.

Əlaqəli Xəbərlər