Britaniyanın altı "Eurofighter Typhoon" gəmisi patrul xidməti üçün Rumıniyaya gəlib
Britaniya Kral Hərbi Hava Qüvvələrinin (RAF) altı "Eurofighter Typhoon" qırıcısı Rumıniyanın 57-ci "Mihail Kogalniceanu" aviabazasına (ölkənin cənub-şərqindəki Konstansa dairəsi) eniş edib.
"Operativ Media" xəbər verir ki, bu barədə Rumıniya Müdafiə Nazirliyi məlumat yayıb.
Aviabazaya gələn Britaniya kontingenti təxminən 200 hərbçidən - pilotlar və texniki heyətdən ibarətdir və qarşıdakı dörd ayda NATO komandanlığı altında Rumıniya Hərbi Hava Qüvvələri ilə birlikdə Gücləndirilmiş Hava Polisi missiyalarını yerinə yetirəcəklər.
Bu, 2017, 2018, 2021 və 2022-ci illərdə Rumıniya hava məkanında patrulluq etmək üçün burada olan britaniyalı pilotların Mixail Koqalniçeanu aviabazasına beşinci rotasiyasıdır.
NATO-nun hava hücumundan müdafiə proqramı 1961-ci ildə yaradılmışdır. Rumıniyada bu proqram ölkənin alyansa qoşulduğu 2004-cü ildən qüvvədədir. Ölkədə patrul missiyaları Rumıniya Hərbi Hava Qüvvələri tərəfindən hər 4-6 aydan bir bir-birini dəyişən NATO ölkələrindən birinin dəstəsi ilə birlikdə həyata keçirilir. Bu qüvvələr qrupuna 4-6 təyyarə və 150-250 hərbçi daxildir.
