Cənubi Azərbaycandan olan 20 yaşlı Afşin Qədirzadə 65,24 santimetr boyu ilə dünyanın ən qısa boylu insanı adını alaraq Ginnesin Rekordlar Kitabına düşüb.

"Operativ Media" xəbər verir ki, 700 qram olaraq doğulan və hazırda 6,5 ​​kiloqram ağırlığında olan Qədirzadə 2010-cu ildə 70 santimetr boyu ilə dünyanın ən qısa adamı olan Edvard Nio Hernndezdən təxminən 7 santimetr qısadır.

Fiziki zəifliyinə görə məktəbə gedə bilməyən Qədirzadə dünyanın ən qısa boylu adamı kimi yeni ad qazanmasının, yaşayış xərclərini, müalicə və dərmanlarını almaqda çətinlik çəkən ailəsinə kömək edəcəyinə ümid etdiyini bildirib. Dostunun verdiyi mobil telefonla dünya ilə əlaqə qura bildiyini, lakin savadsız olduğu üçün istifadə etməkdə çətinlik çəkdiyini deyib.

“Adım Ginnesdə yazıldığı üçün xoşbəxtəm, amma hamı kimi yaşamaq, xüsusən də avtomobil sahibi olmaq və sürmək istəyirəm ” deyə o, bildirib.