Hollandiya freqatı mülki gəmiləri Husilərin hücumlarından qorumaq üçün Qırmızı dənizə gəlib

Hollandiyanın "Tromp" freqatı mülki gəmiləri qorumaq üçün Qırmızı dənizə gəlib. 

"Operativ Media" xəbər verir ki, bu barədə Hollandiya Müdafiə Nazirliyi mətbuata açıqlamasında bildirib.

Departament qeyd edib ki, hava hücumundan müdafiə və komandanlıq freqatı ABŞ-nin rəhbərlik etdiyi "Prosperity Guardian" əməliyyatında iştirak edir və həmçinin Aİ-nin "Aspides" missiyasını dəstəkləyir.

Göyərtəsində 200 hərbçi olan freqatın əsas vəzifəsi mülki gəmiləri Husilərin raket və pilotsuz təyyarələrindən qorumaq olacaq.