"Crocus City Hall"da terror törədən kəslər məhkəmənin həbs qərarına etiraz etməyib

"Crocus City Hall"a hücum edən dörd nəfər məhkəmənin həbs qərarına etiraz etməyib.

"Operativ Media" xəbər verir ki, bu barədə TASS məlumat yayıb.

Bildirilib ki, martın 24-də Moskva Basmannı məhkəməsi 32 yaşlı Dalerjon Mirzoyev, 30 yaşlı Raçabalizod Saidakrami Murodali, 25 yaşlı Şəmsidin Fəriduni və 19 yaşlı Məhəmmədsobir Fayzov barəsində həbs qətimkan tədbiri seçib. Onlar mayın 22-dək həbs ediliblər. İstintaqın məlumatına görə, martın 22-də “Piknik” qrupunun konsertindən əvvəl Krokus konsert zalına daxil olaraq atəş açıb və binanı yandırıblar.

Terror aktından sonra hücum edənlər avtomobillə qaçaraq Bryansk vilayətində saxlanılıblar. Hadisə zamanı 140 nəfər həlak olub, 360 nəfər yaralanıb, 95 nəfər itkin düşüb.

Qeyd edək ki, iş üzrə 8 təqsirləndirilən şəxsdən biri Əminçon İslamov həbsindən apellyasiya şikayəti verib.