BMT Böyük Britaniyanı sistemli irqçilikdə ittiham edib

BMT-nin İnsan Haqları Komitəsi Böyük Britaniyada qaraçılara və Afrika əsilli insanlara qarşı ayrı-seçkilikdən narahatlığını bildirib. Mülki və Siyasi Hüquqlar haqqında Beynəlxalq Paktın icrasına dair Londonun hesabatını araşdıran ekspertlər bu qənaətə gəliblər ki, ölkədə sistemli irqçilik davam edir.

"Operativ Media" dünya mətbuatına istinadən xəbər verir ki, ekspertlərin hesabatında deyilir:

"Komitə qaraçılara və səyahətçilərə, Afrika mənşəli insanlara və digər azlıq qruplarına qarşı irqi bərabərsizliklərin və ayrı-seçkilik tətbiqlərinin böyük ölçüdə həll edilməməsi və artmaqda olduğu barədə məlumatlardan narahatdır". 

Xüsusilə, komitə üzvləri sistemli irqçilik, Afrika əsilli insanlara və digər etnik azlıqlara qarşı qeyri-mütənasib və ayrı-seçkiliyi, o cümlədən cinayət ədaləti sistemində ayrı-seçkilik, Afrika əsilli insanların və etnik azlıqların həddindən artıq təmsil olunması səbəbindən ciddi bərabərsizliklərin davam etdiyi xəbərlərindən narahat idilər. Mütəxəssislər Britaniya hakimiyyət orqanlarına irqi və etnik ayrı-seçkiliyin bütün formalarının qarşısının alınması, onunla mübarizə və aradan qaldırılmasında daha fəal olmağı tövsiyə ediblər.

BMT-nin İnsan Hüquqları Komitəsi dövlətlərin Mülki və Siyasi Hüquqlar haqqında Beynəlxalq Paktın icrasına nəzarət edən 18 müstəqil ekspertdən ibarətdir.