Türkiyənin Qəzzaya yardım aparan 8-ci gəmisi Əl-Ariş limanına çatıb

Türkiyənin Qəzzaya göndərdiyi 8-ci humanitar yardım gəmisi Misirin Əl-Ariş limanına çatıb.

"Operativ Media" xəbər verir ki, bu barədə AFAD məlumat verib.

Bildirilib ki, Türkiyədən göndərilən gəmidəki humanitar yardımlar Rəfah sərhəd qapısından yardım maşınları ilə Qəzzaya çatdırılacaq.

Qeyd edək ki, bu günə qədər 8 gəmi və 13 yük təyyarəsi humanitar yardım məqsədilə Türkiyədən Qəzzaya göndərilib.