Qırğızıstanda güclü küləklə əlaqədar fövqəladə vəziyyət elan edilib

Qırğızıstanın şimal bölgələrinə təsir edən güclü külək nəticəsində 24 nəfər xəsarət alıb. Paytaxt Bişkekdə fövqəladə vəziyyət elan edilib.

"Operativ Media" xəbər verir ki, bunu Bişkek meri Aybek Cunuşəliyev elan edib.

Qırğızıstan Fövqəladə Hallar Nazirliyi 154 obyekt və çoxlu binanın zərər gördüyünü açıqlayıb.

Güclü küləyin sürətinin saniyədə 28 metrə çatdığı açıqlansa da, güclü külək nəticəsində çoxlu ağaclar aşıb, bəzi binaların dam örtüyü zədələnib. Bəzi ərazilərdə elektrik enerjisi kəsilsə də, ictimai nəqliyyatın fəaliyyəti dayandırılıb.