Türkiyədə İŞİD-lə əlaqəsi olan 50-dən çox şübhəli saxlanılıb

Türkiyə xüsusi xidmət orqanları İŞİD terror qruplaşması ilə əlaqədə şübhəli bilinən 51 nəfəri saxlayıb. 

"Operativ Media" xəbər verir ki, bu barədə respublikanın Daxili İşlər Nazirliyinin rəhbəri Ali Yerlikaya məlumat verib.

"21 əyalətdə dörd gün ərzində həyata keçirilən əməliyyatlar çərçivəsində 51 nəfər İŞİD terror təşkilatı ilə əlaqədə şübhəli bilinərək saxlanılıb", - nazir "X"də yazıb.

Daxili İşlər Nazirliyinin rəhbərinin sözlərinə görə, ən çox saxlanılan (10 nəfər) Ankaradadır. Əməliyyatlar zamanı İŞİD-in fəaliyyətinə aid xeyli sayda sənəd və rəqəmsal media ələ keçirilib.

Ötən həftənin əvvəlində Türkiyə Daxili İşlər Nazirliyi İŞİD-lə əlaqəsi olan 147 şübhəlinin saxlanıldığını bildirib. İl ərzində nazirliyin məlumatına görə, respublikada terror təşkilatının 3 minə yaxın tərəfdarı saxlanılıb.