Misir, Fransa və İordaniya Qəzza zolağında dərhal atəşkəs əldə etməyə çağırıb

Misir, Fransa və İordaniyanın xarici işlər nazirləri Qəzzada "dərhal və daimi atəşkəs"ə və HƏMAS tərəfindən saxlanılan bütün girovların azad edilməsinə çağırıblar.

"Operativ Media" xəbər verir ki, bu çağırış şənbə günü Misirin paytaxtı Qahirədə üç diplomatın görüşündən sonra edilib.

Fransanın xarici işlər naziri Stefan Sejourne də birgə mətbuat konfransında bildirib ki, onun hökuməti BMT Təhlükəsizlik Şurasına müharibənin "siyasi" həllini nəzərdə tutan qətnamə layihəsi təqdim edəcək.

Fransa xarici işlər nazirinin sözlərinə görə, qətnamənin mətninə "İsrail-Fələstin münaqişəsinin iki dövlətin birgə yaşaması əsasında həlli üçün bütün meyarlar" daxil olacaq.