"Bakıda tıxacların səbəblərindən biri də təhsildə olan problemlərdir" - EKSPERT

"Bakı şəhərində tıxacların yaranma səbəblərindən biri də orta təhsildə olan problemlərdir".

"Operativ Media" xəbər verir ki, bunu iqtisadçı-ekspert Eyyub Kərimli deyib.

O bildirib ki, iş günləri ilə qeyri-iş günlərinin yeri dəyişdirildiyi zaman bir çox məktəbli dərsə getmir:

"Bu gün şənbə günü iş günüdür və deməli, hər kəs işə gedir. Əsasən də dövlət sektorunda çalışanlar. Özəl sektorda işləyənlər onsuz da Azərbaycan rellığında şənbə-bazar da çalışırlar. Yəni işə gedənlər hamısı yoldadır. Amma bu gün tıxacın kəskin azalmasını müşahidə etdim. Fikrimcə, bunun səbəblərindən biri bu gün çox məktəblinin dərsə getməməsidir. Hər gün minlərlə valideyn (avtomobil) şəhərin bir başından o biri başına uşaqlarını dərsə aparır. Bəs bu niyə baş verir? Çünki Bakıda keyyfiyətli tədris aparan ümumtəhsil məktəbi çox azdır. Hər valideyn də uşağına yaxşı təhsil vermək üçün məcburi az saylı yaxşı məktəblərə üz tutur. Bu da ən azından gündə avtomobil hərəkətində 4 gediş artırır. Bütün yaşayış məntəqələrinin yaxınlığında yerləşən məktəblər keyfiyyətli təhsil versə, valideyn də, şagirdlər də yollarda qalmaz. Bu da tıxacın aradan qaldırılmaqsına müsbət təsir edər".

Sevinc İbrahimzadə