19 Dekabr 2022, 19:02
Almaniya Şimali Koreyanın ballistik raket sınaqlarını pisləyir

Almaniya Şimali Koreyanın ballistik raket sınaqlarını qeyri-qanuni hesab edir və bunu qəti şəkildə pisləyir.
"Operativ Media" xəbər verir ki, bu Almaniya Xarici İşlər Nazirliyinin yaydığı yazılı açıqlamada deyilir.
Açıqlamada Şimali Koreyanın 2022-ci ilin əvvəlindən beynəlxalq hüququ pozan misli görünməmiş raket atışları ilə Birləşmiş Millətlər Təşkilatının Təhlükəsizlik Şurasının qətnamələrindən irəli gələn öhdəliklərə məhəl qoymadığı və beləliklə də beynəlxalq təhlükəsizlik və sabitliyi təhlükəyə atdığı vurğulanıb.
Bəyanatda həmçinin Almaniya Şimali Koreyanı kütləvi qırğın silahlarına və ballistik raketlərin inkişaf etdirilməsi proqramlarına tamamilə və dönməz şəkildə son qoymağa çağırıb.