Rusiyanın aktivlərinin müsadirəsi ilə bağlı qanuna cavabı acı olacaq - Medvedev

Rusiyanın aktivlərinin müsadirəsi ilə bağlı qanuna cavabı asimmetrik, lakin acı olacaq.

"Operativ Media" xəbər verir ki, bu barədə Rusiya Federasiyası Təhlükəsizlik Şurasının sədr müavini Dmitri Medvedev ABŞ-nin Rusiya aktivlərinin müsadirəsi haqqında qanununa münasibət bildirərkən deyib.

Bundan başqa, Medvedev qeyri-dost ölkələrdən əcnəbi şəxslərin aktivlərinin müsadirəsini nəzərdə tutan qanun qəbul etməyi təklif edib.

"Cavab yalnız assimetrik ola bilər. Səbəb aydındır - bizdə mühüm sayda ABŞ-yə məxsus dövlət əmlakı, o cümlədən pul vəsaiti, hüquqlar (red.- mülkiyyət) və digər aktivlər yoxdur", - o deyib.

Qeyd edək ki, bir neçə gün əvvəl ABŞ Konqresinin Nümayəndələr Palatası Rusiyaya məxsus aktivlərin Ukraynanın xeyrinə müsadirəsi haqqında qanun layihəsi qəbul edib. Qanun layihəsi bu yaxınlarda Senatda müzakirəyə çıxarılacaq.