Türkiyədə üçmərtəbəli bina uçub

Türkiyənin Zonquldak şəhərində üçmərtəbəli binanın uçması nəticəsində dağıntılar altında qalan iki nəfərdən biri xilas edilib, digərinin axtarışı davam edir.

Operativ Media xəbər verir ki, bu barədə "TRT Haber" məlumat yayıb.

Məlumata görə, hadisə yerinə AFAD, yanğınsöndürənlər, polis və təcili tibbi yardım qrupları cəlb olunub.

Zonquldak valisi Osman Hacıbektaşoğlu binanın uçma səbəbinin hələlik məlum olmadığını bildirib.