Afrika ölkələrindən Azərbaycana səfər edənlərin sayı artıb

Bu ilin yanvar-avqust aylarında Afrika ölkələrindən Azərbaycana 14,1 mindən çox vətəndaş səfər edib ki, bu da 2025-ci ilin müvafiq dövrü ilə müqayisədə 12,1 faiz çoxdur.

Operativ Media Dövlət Turizm Agentliyinin hesabatına istinadən xəbər verir ki, təkcə cari ilin avqust ayında qeyd edilən regiondan gələnlərin sayı 3 min nəfərdən çox təşkil edib. Bu, 2025-ci ilin avqust ayına nisbətdə 3,9 faiz, cari ilin əvvəlinə nisbətdə isə 1,9 dəfə çoxdur.