NATO qoşunları Rusiya sərhədlərinə çox yaxınlaşıb və bu, hərbi təhlükəsizliyə əlavə təhdidlər yaradır.

"Operativ Media" xəbər verir ki, bu barədə Rusiyanın müdafiə naziri Sergey Şoyqu məlumat verib.

"Vurğulamaq istəyirəm ki, biz getmədik, amma bizə gəldilər. Bu, bir daha göstərir ki, Qərbə etibar etmək olmaz. İndi bizi danlayırlar ki, Rusiya alyans ölkələrinə guya hücum edəcək", - Şoyqu Astanada ŞƏT-ə üzv ölkələrin müdafiə nazirlərinin görüşündə bildirib.

O, əmin edib ki, Rusiya digər dövlətlərin işlərinə qarışmamaq siyasətinə sadiqdir.

"Hazırda Sovet İttifaqının dağılmasından sonra Şimali Atlantika Alyansının şərqə doğru genişlənməsi davam edir, baxmayaraq ki, bizə 90-cı illərdə bunun baş verməyəcəyinə söz verilmişdi, - Şoyqu vurğulayıb.