UNRWA rəhbəri: İsrail Rəfahda genişmiqyaslı hərbi əməliyyat hazırlayır

İsrail Qəzza zolağının cənubundakı Rəfah şəhərində genişmiqyaslı hərbi əməliyyata hazırlaşır. 

"Operativ Media" xəbər verir ki, bunu TASS-a müsahibəsində BMT-nin Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini deyib.

"Hazırda mənim ən böyük qorxum İsrailə ABŞ-dən hərbi yardımın olub-olmamasından asılı olmayaraq, İsrail ordusunun nə etməyi planlaşdırmasıdır. Görünür, Rəfahda mümkün genişmiqyaslı hərbi yardıma hazırlıq gedir", - deyə o bildirib.

"Biz hamımız Rafahda hücum ehtimalından son dərəcə narahatıq, 1,45 milyondan çox məcburi köçkün artıq ölkənin cənubunda cəmləşib. Biz inanırıq ki, bu hücum baş verməməlidir, onsuz da gözümüzün qarşısında baş verən insan faciəsinə yenisini əlavə etməkdənsə, başqa yollar araşdırılmalıdır", - deyə Lazzarini bildirib.

Baş katibin sözlərinə görə, Rəfahda quru əməliyyatının başlaya biləcəyi ehtimalı son dərəcə narahatedicidir: "İnsanlar çox narahatdırlar, çünki hara gedəcəkləri barədə heç bir təsəvvürləri yoxdur".