Ermənistan tezliklə Türkiyəyə Ani körpüsünün bərpası ilə bağlı yanaşmalarını çatdıracaq. 

"Operativ Media" xəbər verir ki, bu barədə "Sputnik Ermənistan"ın yazılı sorğusuna Ermənistan Xarici İşlər Nazirliyinin mətbuat xidməti cavab verib.

"Türkiyə Ani körpüsünün təmiri ilə bağlı hazırda yenidən baxılan və yaxın vaxtlarda Türkiyə tərəfinə veriləcək protokolu Ermənistana verib", - XİN-in cavabında deyilir.

Marqara-Əlican sərhəd-keçid məntəqəsinə gəlincə, nazirlik əmin edib ki, keçid məntəqəsində təmir işləri yekunlaşıb və istismara hazırdır.