Mahmud Abbas Fələstini birləşdirmək üçün beynəlxalq konfrans çağırıb

Fələstin prezidenti Mahmud Abbas İordan çayının qərb sahilində və Qəzza zolağında Fələstin ərazilərinin birləşdirilməsi üçün beynəlxalq konfransın keçirilməsinə çağırıb.

"Operativ Media" xəbər verir ki, o bunu Ər-Riyadda keçirilən Dünya İqtisadi Forumunun xüsusi sessiyası çərçivəsində bəyan edib. 

"İordan çayının qərb sahili ilə Qəzza zolağının birləşdirilməsi üçün siyasi həll yolu tapmaq üçün beynəlxalq konfrans təşkil etmək lazımdır", - deyə Abbas vurğulayıb.

O əlavə edib ki, Fələstin Dövlətinin müstəqillik hüququnu hələ də tanımayan bütün ölkələr bunu etməlidir: "Necə ki, onlar İsrailin müstəqilliyini tanıyıblar".