Fransada mütəşəkkil cinayətkar qruplarla mübarizə çərçivəsində xüsusi prokurorluq yaradılacaq

Fransa hakimiyyəti ölkədə mütəşəkkil cinayətkarlıqla bağlı işlərin araşdırılması üçün ayrıca prokurorluq yaratmağı planlaşdırır. 

"Operativ Media" xəbər verir ki, bu barədə Fransanın ədliyyə naziri Erik Düpon-Moretti "La Tribune de Dimanche" qəzetinə müsahibəsində bildirib.

"Mən mütəşəkkil cinayətkarlıqla, elitaya qarşı mübarizəni gücləndirmək üçün iddialı fəaliyyət planı hazırlayıram. Mütəşəkkil cinayətkarlıqla mübarizə üçün Milli Prokurorluq yaratmaq qərarına gəldim", - o deyib.

Nazir əlavə edib ki, bu prokurorluq mütəşəkkil cinayətkar qruplarla mübarizə üzrə mövcud mexanizmləri əvəz etməyəcək, əksinə, məhkəmə hərəkətlərinin əlaqələndirilməsini təkmilləşdirməyə və onları daha səmərəli etməyə çağırılacaq. Onun sözlərinə görə, bu addımı həm də Milli Antiterror Prokurorluğu və ya Milli Maliyyə Prokurorluğu kimi ixtisaslaşmış orqanlar vasitəsilə işin müsbət təcrübəsi diktə edir.