Tacikistan Xarici İşlər Nazirliyi Rusiyanın respublikadakı səfiri Semyon Qriqoryevi Rusiya Federasiyasında vətəndaşlarının hüquqlarının pozulması ilə əlaqədar çağıraraq nota təqdim edib.

"Operativ Media" xəbər verir ki, Tacikistan XİN məlumat yayıb.

Tacikistan XİN İnformasiya Departamentinin rəhbəri Şoxin Səmədinin sözlərinə görə, notada Tacikistan hakimiyyətinin narahatlığı ifadə olunub.

Səmədi Rusiya ərazisində Tacikistan Respublikası vətəndaşlarına qarşı kəskin mənfi münasibətin kütləvi təzahürləri, habelə onların hüquq və azadlıqlarının geniş şəkildə pozulması ilə bağlı ciddi narahatlığını ifadə edib.