İran səfiri İndoneziyanın kənd təsərrüfatı naziri ilə görüşüb

İran İslam Respublikasının səfiri İndoneziyanın kənd təsərrüfatı naziri ilə görüşüb.

"Operativ Media" xəbər verir ki, görüşdə hər iki tərəf İran və İndoneziya arasında kənd təsərrüfatı sahəsində əməkdaşlıq səviyyəsinin artırılmasının vacibliyini vurğulayıblar.

İndoneziyanın kənd təsərrüfatı naziri bu görüşdə iqlim dəyişikliyi və onun kənd təsərrüfatı məhsullarına mənfi təsirlərinə toxunaraq, iranlı mütəxəssislərin su ehtiyatlarının idarə olunması və texnoloji imkanlardan, xüsusilə kənd təsərrüfatı sənayesində nanotexnologiyadan istifadə sahəsində biliklərindən istifadə etməyə çağırıb.

İran səfiri bu sahədə əməkdaşlığa hazır olduğunu bəyan etməklə yanaşı, iki ölkə arasında bitki mühafizəsi və bitki karantini sahəsində əməkdaşlığa dair anlaşma memorandumunun imzalanmasını və birgə kənd təsərrüfatının üçüncü iclasının keçirilməsini dəyərləndirib. Bu, iki ölkə arasında əlaqələrin möhkəmləndirilməsi istiqamətində mühüm addım hesab olunur.

Bu görüşdə həmçinin qərara alınıb ki, İndoneziya Kənd Təsərrüfatı Nazirliyi yaxın vaxtlarda İran İslam Respublikasının Kənd Təsərrüfatı Cihadı Nazirliyinin ekspert heyətini qəbul etsin.