BMT: Qəzzada danışıqların uğur qazanacağına ümid edirik

BMT Qəzza zolağında atəşkəs də daxil olmaqla razılaşma əldə etməyə ümid edir.

"Operativ Media" xəbər verir ki, bunu dünya təşkilatının baş katibinin rəsmi nümayəndəsi Stefan Düjarrik deyib.

"Biz bu barədə xəbərləri gördük, danışıqların intensivləşdiyini gördük. Ümid edirik ki, bütün iştirakçı tərəflər razılığa gəlmək və əziyyətə son qoymaq üçün bir yol tapacaqlar", - o, brifinqdə deyib.

Bundan əvvəl Misir atəşkəs müqabilində Qəzza zolağında saxlanılan 20-40 girovun azad edilməsini nəzərdə tutan İsrail tərəfi ilə razılaşdırılmış təşəbbüsü HƏMAS hərəkatına təhvil verib.